Барномаи субҳгоҳии «Изи»

“Рӯҳияи тоза – танҳо дар субҳгоҳон!”

Барномаи субҳгоҳии «Изи» аз рӯзи душанбе то ҷумъа аз соати 07:00 то 10:00 дар Радиои «Navo» 96,5 FM пахш мешавад.

Барнома дар эфири мустақим бо иштироки фаъоли шунавандагон ба воситаи зангҳо ва паёмҳо пахш мешавад ва ҳамчунин бо нашрҳо дар шабакаҳои иҷтимоӣ ҳамроҳ аст. Забони пахш тоҷикӣ аст. Барнома дар реҷаи зинда эҷод мешавад, ки дар он ҳар як дақиқа муҳим аст – бе сабтҳо, такрор ва таваққуфҳо. Ин ҳар як субҳро беназир ва зинда мегардонад, ба монанди худи ҳаёти шунаванда.

«Изи» – ин барномаи субҳгоҳии рӯҳафзое аст, ки пур аз ҳаҷви сабук, нерӯи мусбат, иттилооти муҳиму рӯзмарра ва муоширати зинда. Ҳар як рӯзи корӣ дар эфир хабарҳои тоза, мавзуҳои муҳим, бозиҳо, маслиҳатҳо, саргузаштҳои хушу мусиқии нерӯбахш садо медиҳад. Ҳамаи ин фазои осоишу роҳат ва нерӯро барои тамоми рӯз фароҳам меоварад. Бо шарофати пешниҳоди ботавозун барнома ҳам барои шунавандагони ҷавон ва ҳам калонсол яксон ҷолибу шавқовар аст. “Изи” ба рӯз суръат мебахшад ва кумак мекунад, ки ба субҳ на ҳамчун оғози рӯзи оддию ҳамешагӣ, балки ҳамчун як нуқтаи илҳомбахш назар карда шавад.

Қисмати муҳими барнома ҳузури меҳмонони ҷолиб – намояндагони фарҳанг, санъат, варзиш ва тиҷорат аст. Онҳо аз таҷрибаи шахсии худ, саргузаштҳо ва    фикру ақидаҳои илҳомбахш сухан мегӯянд. Нақши зиёдро ҳамкорӣ бо шунавандагон мебозад, ки онҳо фаъолона ба воситаи  зангҳо ва паёмҳои овозӣ ба эфир ҳамроҳ мешаванд. Ин барномаро воқеан зинда ва ба шунавандагон наздик мегардонад. Муошират бо эфир маҳдуд намешавад –  аксаран суҳбату муҳокимаҳо дар шабакаҳои иҷтимоӣ идома ёфта, натиҷаи муоширати васеъро эҷод менамояд. Иштирокчиён худро на ҳамчун шунавандаи оддӣ, балки қисми комилҳуқуқи ҳодисаҳои  рӯйдодаистода эҳсос мекунанд.

Барнома як қатор бахшҳои доимӣ дорад, ки ҳар кадом ба шоу хусусият ва сохтор мебахшанд. Аз ҷумла – «Дон», «Лашулуш», «Тор», «Син», «Качгап», «Вой дод», «Чарақас», «Анбор» ва «Амуд». Ҳар бахш ритм, услуб ва рӯҳияи худро дорад, ки «Изи»–ро барои шунавандагони гуногун ҷолиб нигоҳ медорад ва ҳар пахшро нав мекунад. Бахшҳо ритми шинохташудаи шоуро муайян мекунанд, вале ҳамзамон фазои импровизатсияро низ фароҳам меоранд. Ин мутобиқкунӣ эфирро ғанӣ ва осонфаҳм месозад.

Формати шоу ахбори нав, пешгӯии обу ҳаво, маълумот дар бораи вазъи роҳҳо, маслиҳатҳо, озмунҳо, бозиҳо, мусоҳибаҳо ва муоширати зиндаро дар бар мегирад. Барнома ба ритми рӯзмарраи шунавандагон осон ворид мешавад, ба интизориҳои аудиторияи муосир ҷавоб медиҳад ва шунидани радио дар субҳро ба як расми хуб табдил медиҳад.

Барандагон иттилоотро бо гармиву ҳазли сабук мерасонанд, ки тавозун байни муҳтавои фароғатӣ ва иттилоотиро нигоҳ медорад. Ин имкон медиҳад, ки барнома ҳамеша марбут ва ҷолиб боқӣ монад – ҳатто барои касоне, ки одатан радио намешунаванд.

Ҳадафи шоуи субҳгоҳӣ – эҷоди як оғози нерубахш ва илҳомбахши рӯз аст. Барнома ба шунавандагон кӯмак мекунад, ки барои рӯзи самаранок омода шаванд, неру бигиранд ва эҳсос кунанд, ки онҳо дар оғози рӯзи нав танҳо нестанд. «Изи» одамонро муттаҳид мекунад, кайфияти хуб мебахшад ва эҳсоси иштироки гарму самимиро тавлид мекунад. Радио дар ҳамин ҷо ва ҳамин ҳоло садо медиҳад – дар ритми рӯзи нав, бо овозе, ки бовар ҳосил мекунад. Ҳар субҳ бо «Изи» рангинтар мешавад, ва роҳ ба сӯи кор – кӯтоҳтар. Ин шоуест, ки аз лаҳзаҳои аввалини рӯз ҳамроҳи шунаванда аст ва ба тамоми воқеаҳои рӯз ритм медиҳад.